Katarungan para sa mga Bitter!!!

Bitter.
Sila yung sumisigaw ng "Walang Forever!" tuwing may makikitang magkahawak-kamay na magkasintahan,
Yung nag-iisip na "Maghihiwalay din yan!" tuwing may magkarelasyong masayang naglalampungan.
Umiirap ang mata tuwing makakakita ng mga sweet na moments sa pelikula o di kaya'y mga relationship goals sa social media.
Sila yung diring-diri sa couple shirts.
Wari'y ayaw na ayaw sa salitang "pagmamahal" 
Madalas kinaiinisan...
Sila yung mga bitter. 

Pero masisisi mo ba sila?
Sila yung mga taong walang ginawa kundi ang magmahal,
Pero, sila ang niloko.
Sila ang halos maubusan ng luha dahil sa pag-iyak gabi-gabi 
Dahil sila ang Iniwan. Binasted.
Yung sinabihang "ayoko na!" at "hindi kita mahal!"
Sila yung todo kung umeffort pero hindi man lang naaapreciate!
Sila yung nagbubulag bulagan sa katotohanan. At araw araw nabubuhay sa pinagtagpi-tagping kasinungalingan.
Sila ang ipinagpalit sa iba. 
Sila ay nagmahal lamang...binigay ang buo ngunit kahit kailan hinding hindi nasuklian.


Masisi mo ba sila? 
sila yung pinaasa. Nasaktan...at patuloy na nasasaktan.  



#manghuHUGOT

Noon at Ngayon

Masakit isipin na ang noon, malayong malayo na sa ngayon
Ang mga tawa noon, mga tawang halos hindi matapos tapos, napalitan na ng mga hagulgol...
Yung bawat ngiti na pawang nakaukit sa mga labi, 
Napalitan na ng luha, ng naguumapaw na mga luha...
Ang bawat masasayang oras kahapon, ay bahagi na lang ngayon ng masayang alaala na marahil ay nalimot mo na,
Masakit isipin na ang noon ay talagang napakalayo na sa ngayon
Dahil kung dati ang mata'y nagliliwanag dahil sa saya,
Ngayon ito'y napupuno lamang ng namumuong mga luha.
Noon, para akong lumilipad sa himpapawid sa bawat sandaling tayo'y magkasama,
Ngunit ngayon parang nalulunod sa kailaliman ng karagatan, nalulunod sa luhang buhat ng sakit, ng hapdi, ng walang katapusang kirot.
Dahil masakit isipin na ang pinapangarap kong maging tayo mula pa NOON...
napakalayo nang mangyari NGAYON. 


#ManghuHugot